ہر سمت اڑی گرد مرے شہر گماں میں

ہر سمت اڑی گرد مرے شہر گماں میں

محصور تمنا ہے زمانے کے دھواں میں

سناٹے کا جو قصہ سنانے میں مگن ہے

رقصاں تھا کبھی شور اسی اجڑے مکاں میں

خوشیوں کو بدن پر جو لپیٹے ہوئے کل تھا

ہے آج شرابور وہی درد نہاں میں

معدوم ہوا گل کا نشاں صحن‌ چمن سے

خوشبو ہے مگر اب بھی بسی باد رواں میں

ہر خواب کی تعبیر نظر آئی ہراساں

ناپید ہوا جوش جنوں مرد جواں میں

فردا کی گلی میں وہ بڑا کام کرے گی

اک ضد ہے کھلونے کی جو معصوم فغاں میں

گزری ہوئی ساعت کو پلٹنے میں لگا ہے

کچھ بات نظر آئی اسے کار زیاں میں

پر کیف ہوئی ساہنیؔ ہر سانس کی آہٹ

موہوم اشارہ جو ملا وقت گراں میں

har samt uri gard mire shahr guman mein

mahsur-e-tamanna hai zamane ke dhuan mein

sannate ka jo qissa sunane mein magan hai

raqsan tha kabhi shor isi ujre makan mein

khushiyon ko badan par jo lapete hue kal tha

hai aj sharabur wahi dard-e-nihan mein

maadum hua gul ka nishan sehn-e-chaman se

khushbu hai magar ab bhi basi bad rawan mein

har khwab ki taabir nazar ai hirasan

napaid hua josh-e-junun mard-e-jawan mein

farda ki gali mein wo bara kam karegi

ik zid hai khilaune ki jo maasum fughan mein

guzri hui saat ko palatne mein laga hai

kuchh bat nazar ai use kar-e-ziyan mein

pur kaif hui sahni har sans ki ahat

mauhum ishara jo mila waqt-e-giran mein