ہم نے سیکھا ہے محبت کرنا

ہم نے سیکھا ہے محبت کرنا

ایک اک دل پہ حکومت کرنا

ہم بھی تاریخ بدل سکتے ہیں

شرط ہے ہمت و جرأت کرنا

زیب دیتا نہیں انسانوں کو

کسی انساں کی عبادت کرنا

رکھ کے خود اپنی ضرورت کو ادھار

پوری اوروں کی ضرورت کرنا

شب کی تاریکی میں سیکھا ہم نے

چاند تاروں کی تلاوت کرنا

آخری سانس تلک جیون کی

مرد کی شان ہے محنت کرنا

فرض سے حج کے ہے افضل حافظؔ

بوڑھے ماں باپ کی خدمت کرنا

ham ne sikha hai mohabbat karna

ek ik dil pe hukumat karna

ham bhi tarikh badal sakte hain

shart hai himmat-o-jurat karna

zeb deta nahin insanon ko

kisi insan ki ibadat karna

rakh ke khud apni zarurat ko udhar

puri auron ki zarurat karna

shab ki tariki mein sikha ham ne

chand taron ki tilawat karna

akhiri sans talak jiwan ki

mard ki shan hai mehnat karna

farz se haj ke hai afzal hafiz

burhe man bap ki khidmat karna