مرا وجود مرے اعتبار جیسا ہے

مرا وجود مرے اعتبار جیسا ہے

کبھی وصال کبھی انتظار جیسا ہے

مجھے تو اس کی مسیحائی پر تھا ناز بہت

مگر وہ خود ہی بڑا بے قرار جیسا ہے

مرے ضمیر پہ ہے بوجھ میرے ماضی کا

جو میری ذات پہ اب تک ادھار جیسا ہے

عجیب ایک معمہ ہے عشق بھی جگدیشؔ

کبھی یہ جیت کبھی صرف ہار جیسا ہے

یہاں نہ کوئی ارادہ نہ آرزوئیں ہیں

مرا جنوں مرے دل کے غبار جیسا ہے

mira wajud mire etibar jaisa hai

kabhi wisal kabhi intizar jaisa hai

mujhe to us ki masihai par tha naz bahut

magar wo khud hi bara be qarar jaisa hai

mire zamir pe hai bojh mere mazi ka

jo meri zat pe ab tak udhar jaisa hai

ajib ek muamma hai ishq bhi jagdesh

kabhi ye jit kabhi sirf har jaisa hai

yahan na koi irada na arzuen hain

mira junun mire dil ke ghubar jaisa hai