میں نے سانسوں سے گفتگو کی ہے

میں نے سانسوں سے گفتگو کی ہے

ساتھ چلنے کی آرزو کی ہے

گم شدہ وقت کے مسافر کو

پھر سے پانے کی جستجو کی ہے

زنگ خوردہ حیات کا کیا ذکر

بات لمحوں کی آبرو کی ہے

خود میں خود کو تلاش کرنے کی

میں نے کوشش چہار سو کی ہے

main ne sanson se guftugu ki hai

sath chalne ki arzu ki hai

gum shuda waqt ke musafir ko

phir se pane ki justuju ki hai

zang khurda hayat ka kya zikr

bat lamhon ki abru ki hai

khud mein khud ko talash karne ki

main ne koshish chahar so ki hai