بات کی بات رہے بات کا مفہوم رہے

بات کی بات رہے بات کا مفہوم رہے

اور تخیل مرا تازہ رہے معصوم رہے

ہر نئی سوچ کو مضمون بنا لوں گا مگر

میرا کردار مری ذات سے موسوم رہے

میری پہچان کے سب لوگ جدا ہوتے گئے

جو بچے میری طرح بے بس و مظلوم رہے

آج تک بنتے رہے ہیں جو ہمارے ضامن

ان سے ہم ہاتھ ملانے سے بھی محروم رہے

اب تو بس خود ہی سنا کرتے ہیں اپنی آواز

آپ کے قدموں کی آہٹ سے بھی محروم رہے

bat ki bat rahe bat ka mafhum rahe

aur takhayyul mira taza rahe maasum rahe

har nai soch ko mazmun bana lunga magar

mera kirdar miri zat se mausum rahe

meri pahchan ke sab log juda hote gae

jo bachche meri tarah be bas-o-mazlum rahe

aj tak bante rahe hain jo hamare zamin

un se ham hath milane se bhi mahrum rahe

ab to bas khud hi suna karte hain apni awaz

ap ke qadmon ki ahat se bhi mahrum rahe