Arooz is now on the App Store, for iPhone and iPad. Download →

All poetry

شاہراہیں نہیں ڈگر تو ہے

Jagdish Prakash (b. 1935)

شاہراہیں نہیں ڈگر تو ہے

منزلیں نا سہی سفر تو ہے

دور صحرا میں ایک چھوٹا سا

بے ثمر ہی سہی شجر تو ہے

مختصر گو ہے داستان مری

اس کے انجام میں اثر تو ہے

ظلمت شب گراں ہے یہ مانا

رات کے بعد پھر سحر تو ہے

ہیں دریچے اداس در ویراں

کچھ نہیں پھر بھی اپنا گھر تو ہے

میرے الفاظ میں کشش نہ سہی

میری آواز میں اثر تو ہے