مری زندگی ہے سراب سی کبھی موجزن کبھی تشنہ دم

مری زندگی ہے سراب سی کبھی موجزن کبھی تشنہ دم

کبھی انتظار کی دھوپ سی کبھی قربتوں کا کوئی بھرم

تری چاہتوں کا یہ سلسلہ کسی دھوپ چھاؤں کے کھیل سا

کبھی پوس ماگھ کی دھوپ سا کبھی نغمہ خواں کبھی چشم نم

مجھے چھو کے وقت گزر گیا ذرا رک کے عمر نکل گئی

جو رہا تو پاس یہی رہا کبھی اپنا دکھ کبھی سب کا غم

کبھی راستوں کے غبار میں کبھی منزلوں کے خمار میں

کبھی جستجوئے بہار میں رہے حادثوں سے بندھے قدم

ترا نام سن کے چلی پون ترا ذکر سن کے کھلا چمن

کہ مری سوانح زیست پر ترا نام لکھ کے رکا قلم

یہ ذرا ذرا سی شکایتیں کہیں بن نہ جائیں حکایتیں

یہی پوچھتے کہ ہوا ہے کیا کبھی ہم سے تم کبھی تم سے ہم

کبھی قربتوں کا سکوں ملا کبھی فرقتوں کا جنوں ملا

کبھی کھو گئے سبھی راستے کبھی منزلوں سے ملے قدم

miri zindagi hai sarab si kabhi maujzan kabhi tishna dam

kabhi intizar ki dhup si kabhi qurbaton ka koi bharam

tiri chahaton ka ye silsila kisi dhup chhaon ke khel sa

kabhi pus magh ki dhup sa kabhi naghma khwan kabhi chashm-e-nam

mujhe chhu ke waqt guzar gaya zara ruk ke umr nikal gai

jo raha to pas yahi raha kabhi apna dukh kabhi sab ka gham

kabhi raston ke ghubar mein kabhi manzilon ke khumar mein

kabhi justuju-e-bahar mein rahe hadson se bandhe qadam

tira nam sun ke chali pawan tira zikr sun ke khula chaman

ke miri sawaneh-e-zist par tira nam likh ke ruka qalam

ye zara zara si shikayaten kahin ban na jaen hikayaten

yahi puchhte ke hua hai kya kabhi ham se tum kabhi tum se ham

kabhi qurbaton ka sakun mila kabhi furqaton ka junun mila

kabhi kho gae sabhi raste kabhi manzilon se mile qadam