تمہارا ذکر مری داستان بن بیٹھا

تمہارا ذکر مری داستان بن بیٹھا

میں ایک ذرہ تھا اور آسمان بن بیٹھا

سوال کرتے ہیں رہ رہ کے مجھ سے لیل و نہار

میں اپنی ذات سے کیوں بد گمان بن بیٹھا

وہ جس نے مجھ کو نظر بھر کے بھی نہیں دیکھا

وہ شخص میرے فسانے کی جان بن بیٹھا

خیال نو سے الجھتا ہوا مرا احساس

مری غزل کے سفر کا بیان بن بیٹھا

میں جسم ہوں کہ کوئی روح یا فقط احساس

مرا وجود خود اک امتحان بن بیٹھا

کبھی جو اس کو تصور میں لا کے دیکھ لیا

ہر اک خیال مرا گلستان بن بیٹھا

tumhara zikr miri dastan ban baitha

main ek zarra tha aur asman ban baitha

sawal karte hain rah rah ke mujh se lail-o-nahar

main apni zat se kyun bad guman ban baitha

wo jis ne mujh ko nazar bhar ke bhi nahin dekha

wo shakhs mere fasane ki jan ban baitha

khayal nau se ulajhta hua mira ehsas

miri ghazal ke safar ka bayan ban baitha

main jism hun ke koi ruh ya faqat ehsas

mira wajud khud ik imtihan ban baitha

kabhi jo us ko tasawwur mein la ke dekh liya

har ik khayal mira gulistan ban baitha