آج گزرے ہوئے لمحوں کو پکارا جائے

آج گزرے ہوئے لمحوں کو پکارا جائے

دل کو پھر خون تمنا سے سنوارا جائے

میرا ہر شوق بھی ہو ان کا ہر انداز بھی ہو

دل میں اب نقش کوئی ایسا اتارا جائے

جب تھکی ماندی پڑی سوتی ہو ہر شورش غم

ہجر کی رات کو کس طرح گزارا جائے

کچھ ہو معیار خرد چاک قبا عیب سہی

چشم معصوم کا خالی نہ اشارا جائے

آبلہ پا ہے تو کیا ہے تو وہ سرگرم سفر

قافلے والو صباؔ کو تو پکارا جائے

aj guzre hue lamhon ko pukara jae

dil ko phir khun-e-tamanna se sanwara jae

mera har shauq bhi ho un ka har andaz bhi ho

dil mein ab naqsh koi aisa utara jae

jab thaki mandi pari soti ho har shorish-e-gham

hijr ki rat ko kis tarah guzara jae

kuchh ho meyar khirad chak-e-qaba aib sahi

chashm maasum ka khali na ishara jae

abla pa hai to kya hai to wo sargarm-e-safar

qafile walo saba ko to pukara jae