میں مسافر صبا کی راہوں کا

میں مسافر صبا کی راہوں کا

بوجھ اٹھائے ہوئے گناہوں کا

روح کا زخم ایک تیکھی یاد

نقش بھولی ہوئی نگاہوں کا

شام سے صبح تک پگھلتی رات

سلسلہ بے سدا کراہوں کا

کالے تختوں پہ سر پٹکتا دن

ایک معمول درس گاہوں کا

زندگی تو شراب خانے کی

نور چہرے پہ خانقاہوں کا

ایک نشہ ہوس کی آنکھوں میں

اک تماشہ برہنہ بانہوں کا

نرم نرم انگلیاں ہواؤں کی

کھردرا جسم شاہراہوں کا

طرز اظہار کا انوکھا پن

ایک انداز کج کلاہوں کا

معتبر شہر شہر میں قیصرؔ

سچ خریدے ہوئے گواہوں کا

main musafir saba ki rahon ka

bojh uthae hue gunahon ka

ruh ka zakhm ek tikhi yad

naqsh bhuli hui nigahon ka

sham se subh tak pighalti rat

silsila be sada karahon ka

kale takhton pe sar patakta din

ek maamul dars gahon ka

zindagi to sharab khane ki

nur chehre pe khanqahon ka

ek nasha hawas ki ankhon mein

ik tamasha barahna banhon ka

narm narm ungliyan hawaon ki

khurdara jism shahrahon ka

tarz-e-izhar ka anokha pan

ek andaz-e-kaj kulahon ka

motabar shahr shahr mein qaisar

sach kharide hue gawahon ka