ہم نے خاک در محبوب جو چہرے پہ ملی

ہم نے خاک در محبوب جو چہرے پہ ملی

قصۂ درد چھڑا بات سے پھر بات چلی

کس طرح سمجھوں مرا عشق ہے سرگرم سفر

راہ بیدار ہوئی ہے نہ کہیں شمع جلی

دل کو بہلائیں کہ قدموں کو سنبھالیں ہم لوگ

جب نئے موڑ پہ پہنچے ہیں تو یہ شام ڈھلی

یہ مرے نقش قدم وقت سے مٹ سکتے ہیں

اپنے سینے سے لگائے ہے جنہیں تیری گلی

ہم نے ہر تار گریباں کو بنایا دامن

تیری یادوں کو لیے باد بہاری جو چلی

مجھ کو اس برق سے بس اتنا ہی شکوہ ہے صباؔ

آشیاں جل گیا کیوں شاخ نشیمن نہ جلی

ham ne khak-e-dar mahbub jo chehre pe mili

qissa-e-dard chhura bat se phir bat chali

kis tarah samjhun mira ishq hai sargarm-e-safar

rah-e-bedar hui hai na kahin shama jali

dil ko bahlaen ke qadmon ko sambhalen ham log

jab nae mor pe pahunche hain to ye sham dhali

ye mire naqsh-e-qadam waqt se mit sakte hain

apne sine se lagae hai jinhen teri gali

ham ne har tar-e-gareban ko banaya daman

teri yadon ko liye bad-e-bahari jo chali

mujh ko is barq se bas itna hi shikwa hai saba

ashiyan jal gaya kyun shakh-e-nasheman na jali