بوئے خوش کی طرح ہر سمت بکھر جاؤں گا

بوئے خوش کی طرح ہر سمت بکھر جاؤں گا

آہنی ہاتھوں سے اب کوئی دبا دے مجھ کو

میں تو مدت سے چلا آتا ہوں پیچھے پیچھے

گردش وقت کبھی رک کے صدا دے مجھ کو

دن تو سارا ہی کٹا مثل چراغ کشتہ

گرمیٔ جسم سر شام جلا دے مجھ کو

تم مجھے دیکھ کے جو بات کبھی کہہ نہ سکے

کیا یہ ممکن نہیں آئینہ بتا دے مجھ کو

جن کو پانے سے حقیقت بھی فسانہ بن جائے

اب صباؔ ایسے سرابوں کا پتا دے مجھ کو

bu-e-khush ki tarah har samt bikhar jaunga

ahani hathon se ab koi daba de mujh ko

main to muddat se chala ata hun pichhe pichhe

gardish-e-waqt kabhi ruk ke sada de mujh ko

din to sara hi kata misl-e-charagh-e-kushta

garmi-e-jism sar-e-sham jala de mujh ko

tum mujhe dekh ke jo bat kabhi kah na sake

kya ye mumkin nahin aina bata de mujh ko

jin ko pane se haqiqat bhi fasana ban jae

ab saba aise sarabon ka pata de mujh ko