اور کس طرح اسے کوئی قبا دی جائے

اور کس طرح اسے کوئی قبا دی جائے

ایک تصویر ہی پتھر پہ بنا دی جائے

تاکہ پھر کوئی نہ پرچھائیں کے پیچھے دوڑے

اپنی بستی میں چلو آگ لگا دی جائے

خوب ہے یہ مری مخصوص طبیعت کا علاج

ہر تمنا مری کانٹوں پہ سلا دی جائے

اپنی ہی ذات پہ ہوتا ہے جو سائے کا گماں

تیرگی شب کی کسی طور بڑھا دی جائے

ہم کسی طرح تو امروز کی تلخی سمجھیں

عہد رفتہ کی ہر اک بات بھلا دی جائے

آؤ دیکھیں نہ کوئی اپنا شناسا نکلے

اجنبی چہروں سے یہ گرد ہٹا دی جائے

دیکھنے سے جسے آنکھوں میں اندھیرا چھایا

کس کو اس خواب کی تعبیر بتا دی جائے

جب مقدر ہے شب و روز کی بے کیفی صباؔ

خواب کی طرح ہر اک یاد بھلا دی جائے

aur kis tarah use koi qaba di jae

ek taswir hi patthar pe bana di jae

take phir koi na parchhain ke pichhe daure

apni basti mein chalo ag laga di jae

khub hai ye miri makhsus tabiat ka ilaj

har tamanna miri kanton pe sula di jae

apni hi zat pe hota hai jo sae ka guman

tirgi shab ki kisi taur barha di jae

ham kisi tarah to imroz ki talkhi samjhen

ahd-e-rafta ki har ik bat bhula di jae

ao dekhen na koi apna shanasa nikle

ajnabi chehron se ye gard hata di jae

dekhne se jise ankhon mein andhera chhaya

kis ko is khwab ki taabir bata di jae

jab muqaddar hai shab-o-roz ki be kaifi saba

khwab ki tarah har ik yad bhula di jae