اہل دنیا نیا نیا ہوں میں

اہل دنیا نیا نیا ہوں میں

معذرت خواب دیکھتا ہوں میں

ہے پرندوں سے خامشی درکار

پیڑ سے بات کر رہا ہوں میں

اس کی تصویر ہے گھڑی کے پاس

ہر گھڑی وقت دیکھتا ہوں میں

خود سے کرتا ہوں مشورہ لیکن

بات اوروں کی مانتا ہوں میں

اس قدر تیرگی کا قائل ہوں

دھوپ کو دھوپ کہہ رہا ہوں میں

واقعہ ہوں ازل سے پہلے کا

کن سے پہلے اٹھی صدا ہوں میں

مجھ کو چپ ذات سمجھا جاتا ہے

اس قدر تیز چیختا ہوں میں

ahl-e-duniya naya naya hun main

maazarat khwab dekhta hun main

hai parindon se khamushi darkar

per se bat kar raha hun main

us ki taswir hai ghari ke pas

har ghari waqt dekhta hun main

khud se karta hun mashwara lekin

bat auron ki manta hun main

is qadar tirgi ka qail hun

dhup ko dhup kah raha hun main

waqia hun azal se pahle ka

kin se pahle uthi sada hun main

mujh ko chup zat samjha jata hai

is qadar tez chikhta hun main