ایک خاموشی نے صدا پائی

ایک خاموشی نے صدا پائی

ڈھائی حرفوں میں پھر وہ ہکلائی

چار دیوار چند چھپکلیاں

ہجر کی رات کے تماشائی

ڈوبنے کا اسے ملال نہیں

جس نے دیکھی ندی کی رعنائی

آخری ٹرین تھی تری جانب

جو غلط پلیٹ فارم پر آئی

بارشوں نے ہمیں اداس کیا

سیل دیوار میں اتر آئی

ek khamoshi ne sada pai

dhai harfon mein phir wo haklai

char diwar chand chhipkaliyan

hijr ki rat ke tamashai

dubne ka use malal nahin

jis ne dekhi nadi ki raanai

akhiri taren thi tiri janib

jo ghalat palet farm par ai

barishon ne hamen udas kiya

sail-e-diwar mein utar ai