Arooz is now on the App Store, for iPhone and iPad. Download →

All poetry

کون نکلے گھر سے باہر رات میں

Vikram Sharma (b. 1994)

کون نکلے گھر سے باہر رات میں

سو گئے ہم اپنے اندر رات میں

پھر سے ملنے آ گئیں تنہائیاں

کیوں نہیں کھلتے ہیں دفتر رات میں

ہم جٹا لیتے ہیں بستر تو مگر

روز کم پڑتی ہے چادر رات میں

روز ہی وہ ایک لڑکی صبح سی

جاتی ہے ہم کو جگا کر رات میں

خواب دیکھا ہے اسی کا رات بھر

سوئے تھے جس کو بھلا کر رات میں

زندگی بھر کی کمائی ایک رات

جو ملی خود کو گنوا کر رات میں

سانپ دو آتے ہیں ہم کو کاٹنے

اس کی یادیں اور یہ گھر رات میں

زندگی کی رات اک دن ختم ہو

یہ دعا کرتے ہیں اکثر رات میں