جن سے اٹھتا نہیں کلی کا بوجھ

جن سے اٹھتا نہیں کلی کا بوجھ

ان کے کندھوں پہ زندگی کا بوجھ

وقت جب ہاتھ میں نہیں رہتا

کس لئے ہاتھ پر گھڑی کا بوجھ

بیاہ کے وقت کی کوئی فوٹو

گہنوں کے بوجھ پر ہنسی کا بوجھ

سر پہ یادوں کی ٹوکری رکھ لی

کم نہ ہونے دیا کمی کا بوجھ

منتیں کیوں کرے خدا سے اب

آدمی بانٹے آدمی کا بوجھ

ضبط کا باندھ ٹوٹ جانے دو

کم کرو آنکھ سے نمی کا بوجھ

ہجر تھا ایک ہی گھڑی کا پر

دل سے اترا نہ اس گھڑی کا بوجھ

ہم کو ایسے خدا قبول نہیں

جن سے اٹھتا نہیں خودی کا بوجھ

jin se uthta nahin kali ka bojh

un ke kandhon pe zindagi ka bojh

waqt jab hath mein nahin rahta

kis liye hath par ghari ka bojh

biyah ke waqt ki koi foto

gahnon ke bojh par hansi ka bojh

sar pe yadon ki tokri rakh li

kam na hone diya kami ka bojh

minnaten kyun kare khuda se ab

admi bante admi ka bojh

zabt ka bandh tut jane do

kam karo ankh se nami ka bojh

hijr tha ek hi ghari ka par

dil se utra na us ghari ka bojh

ham ko aise khuda qubul nahin

jin se uthta nahin khudi ka bojh