یہ کیسے سانحے اب پیش آنے لگ گئے ہیں

یہ کیسے سانحے اب پیش آنے لگ گئے ہیں

تیرے آغوش میں ہم چھٹ پٹانے لگ گئے ہیں

بہت ممکن ہے کوئی تیر ہم کو آ لگے گا

ہم ایسے لوگ جو پنچھی اڑانے لگ گئے ہیں

ہمارے بن بھلا تنہائی گھر میں کیا ہی کرتی

اسے بھی ساتھ ہی آفس میں لانے لگ گئے ہیں

بدن پر یاد کی بارش کے چھینٹے پڑ گئے تھے

پرائی دھوپ میں ان کو سکھانے لگ گئے ہیں

ہوا کے ایک ہی جھونکے میں یہ پھل گر پڑیں گے

یہ بوڑھے پیڑ کے کندھے جھکانے لگ گئے ہیں

نظر کے چوک پہ بارش جھما جھم گر رہی ہے

تو دل کے روم میں گانے پرانے لگ گئے ہیں

ye kaise sanehe ab pesh ane lag gae hain

tere aghosh mein ham chhut pitane lag gae hain

bahut mumkin hai koi tir ham ko a lagega

ham aise log jo panchhi urane lag gae hain

hamare bin bhala tanhai ghar mein kya hi karti

use bhi sath hi afis mein lane lag gae hain

badan par yad ki barish ke chhinte par gae the

parai dhup mein un ko sikhane lag gae hain

hawa ke ek hi jhonke mein ye phal gar parenge

ye burhe per ke kandhe jhukane lag gae hain

nazar ke chok pe barish jhuma jhim gir rahi hai

to dil ke rom mein gane purane lag gae hain