دشت میں یار کو پکارا جائے

دشت میں یار کو پکارا جائے

قیس صاحب کا روپ دھارا جائے

مجھ کو ڈر ہے کہ پنجرہ کھلنے پر

یہ پرندہ کہیں نہ مارا جائے

دل اسے یاد کر صدا مت دے

کون آتا ہے جب پکارا جائے

دل کی تصویر اب مکمل ہو

ان کی جانب سے تیر مارا جائے

لاش موجوں کو حکم دیتی ہے

لے چلو جس طرف کنارا جائے

دل تو ہے ہی نہیں ہمارا پھر

ٹوٹ جائے تو کیا ہمارا جائے

یہ ترا کام ہے نئے محبوب

ڈوبتے شخص کو ابھارا جائے

dasht mein yar ko pukara jae

qais sahab ka rup dhara jae

mujh ko dar hai ke pinjra khulne par

ye parinda kahin na mara jae

dil use yad kar sada mat de

kaun ata hai jab pukara jae

dil ki taswir ab mukammal ho

un ki janib se tir mara jae

lash maujon ko hukm deti hai

le chalo jis taraf kinara jae

dil to hai hi nahin hamara phir

tut jae to kya hamara jae

ye tira kam hai nae mahbub

dubte shakhs ko ubhara jae