آم موقعوں پہ نہ آنکھوں میں ابھارے آنسو

آم موقعوں پہ نہ آنکھوں میں ابھارے آنسو

ہجر جس سے بھی ہو پر تجھ پہ ہی وارے آنسو

ضبط کا ہے جو ہنر میں نے دیا ہے تم کو

میری آنکھوں سے نکلتے ہیں تمہارے آنسو

کیوں نہ اب ہجر کو میں ابتدا وصل کہوں

آنکھ سے میں نے قبا جیسے اتارے آنسو

دوسرے عشق کی صورت نہیں دیکھی جاتی

دھندھلے کر دیتے ہیں آنکھوں کے نظارے آنسو

آنکھ کی جھیل سکھاتی ہے تری یاد کی دھوپ

مرنے لگتے ہیں وہاں پیاس کے مارے آنسو

بن تیرے آنکھوں کو صحرا نہ بنا بیٹھوں میں

روتے روتے نہ گنوا دوں کہیں سارے آنسو

مجھ فریبی کو جو تو نے یہ محبت دی ہے

آنکھ سے گرتے ہیں اب شرم کے مارے آنسو

رات ہوتی ہے تو اٹھتی ہیں زیادہ لہریں

اور آ جاتے ہیں پلکوں کے کنارے آنسو

am mauqaon pe na ankhon mein ubhare ansu

hijr jis se bhi ho par tujh pe hi ware ansu

zabt ka hai jo hunar main ne diya hai tum ko

meri ankhon se nikalte hain tumhare ansu

kyun na ab hijr ko main ibtida wasl kahun

ankh se main ne qaba jaise utare ansu

dusre ishq ki surat nahin dekhi jati

dhundhule kar dete hain ankhon ke nazare ansu

ankh ki jhil sikhati hai tiri yad ki dhup

marne lagte hain wahan pyas ke mare ansu

bin tere ankhon ko sahra na bana baithon mein

rote rote na ganwa dun kahin sare ansu

mujh farebi ko jo tu ne ye mohabbat di hai

ankh se girte hain ab sharm ke mare ansu

rat hoti hai to uthti hain ziyada lahren

aur a jate hain palkon ke kinare ansu