مشورہ ہے یہ بہتری کے لیے

مشورہ ہے یہ بہتری کے لیے

ہم بچھڑ جاتے ہیں ابھی کے لئے

پیاس لے جاتی ہے ندی کی طرف

کوئی جاتا نہیں ندی کے لئے

زندگی کی میں کر رہا تھا کلاس

بس رجسٹر میں حاضری کے لئے

آپ دیوار کہہ رہے ہیں جسے

راستہ ہے وہ چھپکلی کے لئے

قیس نے میری پیروی کی ہے

دشت و صحرا میں نوکری کے لئے

نیل سے پہلے چاند پر موجود

ایک بڑھیا تھی مخبری کے لئے

mashwara hai ye behtari ke liye

ham bichhar jate hain abhi ke liye

pyas le jati hai nadi ki taraf

koi jata nahin nadi ke liye

zindagi ki main kar raha tha kilas

bas rajistar mein haziri ke liye

ap diwar kah rahe hain jise

rasta hai wo chhipkali ke liye

qais ne meri pairawi ki hai

dasht-o-sahra mein naukri ke liye

nil se pahle chand par maujud

ek burhiya thi mukhbiri ke liye