ابلتے پانیوں میں ہوں کہاں ابال کی طرح

ابلتے پانیوں میں ہوں کہاں ابال کی طرح

میں آج بھی ہوں تہہ نشیں گزشتہ سال کی طرح

دلوں میں سب کے چبھ رہی ہے اک سوال کی طرح

تری نگاہ یاس بھی ہے میرے حال کی طرح

کروں گا تجھ سے گفتگو ذرا ٹھہر نمٹ تو لوں

کھڑا ہے کوئی بیچ میں ابھی سوال کی طرح

نہ پوچھ مجھ سے حال دل کہ ان دنوں ہے زندگی

کسی عروج دیدہ کی شب زوال کی طرح

وہ ایک یاد جو ابھی ہے داغ دل بنی ہوئی

پھسل نہ جائے ذہن سے کسی خیال کی طرح

نہ پوچھ قیصرؔ حزیں عجیب سی وہ چیز ہے

بچھی ہوئی ہے شہر میں جو ایک جال کی طرح

ubalte paniyon mein hun kahan ubal ki tarah

main aj bhi hun tah nashin guzishta sal ki tarah

dilon mein sab ke chubh rahi hai ik sawal ki tarah

tiri nigah-e-yas bhi hai mere hal ki tarah

karunga tujh se guftugu zara thahar nimat to lun

khara hai koi bich mein abhi sawal ki tarah

na puchh mujh se hal-e-dil ke in dinon hai zindagi

kisi uruj dida ki shab zawal ki tarah

wo ek yad jo abhi hai dagh-e-dil bani hui

phisal na jae zehn se kisi khayal ki tarah

na puchh qaisar-e-hazin ajib si wo chiz hai

bichhi hui hai shahr mein jo ek jal ki tarah