اس طرح ٹوٹ کر گرا پانی

اس طرح ٹوٹ کر گرا پانی

بادلوں میں نہیں بچا پانی

گھر بنایا تو تھا بلندی پر

پھر بھی آنگن میں بھر گیا پانی

لڑ جھگڑ کر کبھی تو آگ بنا

اور کبھی برف بن گیا گیا پانی

مجھ کو اپنے ہی شہر کا یارو

راس آیا نہیں ہوا پانی

لوگ دیوانہ وار ٹوٹ پڑے

مدتوں بعد جب ملا پانی

ہاتھ تھامے ہوئے ہواؤں کا

راستے میں ہمیں ملا پانی

ایک بھی بوند کھیت کو نہ ملی

سب ہواؤں نے پی لیا پانی

لے کے چلو میں میں نے پھینک دیا

منہ مرا دیکھتا رہا پانی

مدتوں سے میں تشنہ لب تھا ظفرؔ

پھر بھی سب کو پلا دیا پانی

is tarah tut kar gira pani

badalon mein nahin bacha pani

ghar banaya to tha bulandi par

phir bhi angan mein bhar gaya pani

lar jhagar kar kabhi to ag bana

aur kabhi barf ban gaya gaya pani

mujh ko apne hi shahr ka yaro

ras aya nahin hua pani

log diwana war tut pare

muddaton baad jab mila pani

hath thame hue hawaon ka

raste mein hamen mila pani

ek bhi bund khet ko na mili

sab hawaon ne pi liya pani

le ke chalo mein main ne phenk diya

munh mira dekhta raha pani

muddaton se main tishna lab tha zafar

phir bhi sab ko pila diya pani