حقیقتیں ہوں میسر تو خواب کیوں دیکھوں

حقیقتیں ہوں میسر تو خواب کیوں دیکھوں

میں تشنگی میں بھی سمت سراب کیوں دیکھوں

تمام عمر گزرنی ہے جب اندھیروں میں

تو ایک شب کے لیے ماہتاب کیوں دیکھوں

مرے مکان کے دروازے بند رہنے دو

میں اپنی آنکھ سے موسم خراب کیوں دیکھوں

ورق ورق ترے دل کی کتاب روشن ہو

تو چہرہ چہرہ نیا انتساب کیوں دیکھوں

جو ڈوبنا ہے تو سیل عذاب میں ڈوبوں

فسون موج و طلسم حباب کیوں دیکھوں

haqiqaten hun muyassar to khwab kyun dekhun

main tishnagi mein bhi samt-e-sarab kyun dekhun

tamam umr guzarni hai jab andheron mein

to ek shab ke liye mahtab kyun dekhun

mire makan ke darwaze band rahne do

main apni ankh se mausam kharab kyun dekhun

waraq waraq tire dil ki kitab-e-raushan ho

tu chehra chehra naya intisab kyun dekhun

jo dubna hai to sail-e-azab mein dubun

fusun-e-mauj-o-tilism-e-habab kyun dekhun