قدم قدم پہ عجب خوف سا گزرتا ہے

قدم قدم پہ عجب خوف سا گزرتا ہے

وہ اپنے گاؤں میں جاتے ہوئے بھی ڈرتا ہے

ہوائیں چلنے لگی ہیں چہار جانب سے

سنبھالنا کہ ہر اک سلسلہ بکھرتا ہے

کبھی جھنجھوڑ کے رکھ دیتا ہے تمام بدن

کبھی وہ دل میں دبے پاؤں بھی اترتا ہے

بجائے اس کے کہ مجھ کو بھی جگمگا دیتا

وہ چاند ہو کے مری تیرگی سے ڈرتا ہے

اتر رہا ہوں میں تنہائیوں کے دریا میں

یہ دیکھنا ہے پس آب کیا ابھرتا ہے

یہ دھوپ جسم جلا دے گی ٹھیک ہے لیکن

یہاں پہ کون بھلا اپنی موت مرتا ہے

qadam qadam pe ajab khauf sa guzarta hai

wo apne gaon mein jate hue bhi darta hai

hawaen chalne lagi hain chahar janib se

sambhalna ke har ik silsila bikharta hai

kabhi jhinjhor ke rakh deta hai tamam badan

kabhi wo dil mein dabe paon bhi utarta hai

bajae us ke ke mujh ko bhi jagmaga deta

wo chand ho ke miri tirgi se darta hai

utar raha hun main tanhaiyon ke dariya mein

ye dekhna hai pas ab kya ubharta hai

ye dhup jism jala degi thik hai lekin

yahan pe kaun bhala apni maut marta hai