اب اس کے ملنے کا کوئی گمان بھی تو نہیں

اب اس کے ملنے کا کوئی گمان بھی تو نہیں

کہ میرے شہر میں اس کا مکان بھی تو نہیں

سلگنا دھوپ میں ہے بھیگنا ہے بارش میں

کہ میرے سر پہ کوئی سائبان بھی تو نہیں

انہوں نے پوچھا جو مجھ سے سبب خموشی کا

کہوں گا کیا مرے منہ میں زبان بھی تو نہیں

میں اپنے آپ سے رہتا ہوں بے تعلق سا

نظر میں میری کوئی امتحان بھی تو نہیں

ab us ke milne ka koi guman bhi to nahin

ke mere shahr mein us ka makan bhi to nahin

sulagna dhup mein hai bhigna hai barish mein

ke mere sar pe koi saiban bhi to nahin

unhon ne puchha jo mujh se sabab khamoshi ka

kahunga kya mire munh mein zaban bhi to nahin

main apne ap se rahta hun be taalluq sa

nazar mein meri koi imtihan bhi to nahin