اک شجر ایسا محبت کا لگایا جائے

اک شجر ایسا محبت کا لگایا جائے

جس کا ہمسائے کے آنگن میں بھی سایا جائے

یہ بھی ممکن ہے بتا دے وہ کوئی کام کی بات

اک نجومی کو چلو ہاتھ دکھایا جائے

دیکھنا یہ ہے کہ کون آتا ہے سایہ بن کر

دھوپ میں بیٹھ کے لوگوں کو بلایا جائے

یا مری زیست کے آثار نمایاں کر دے

یا بتا دے کہ تجھے کیسے بھلایا جائے

اس کے احسان سے انکار نہیں ہے لیکن

نقش پانی پہ ظفرؔ کیسے بنایا جائے

ik shajar aisa mohabbat ka lagaya jae

jis ka hamsae ke angan mein bhi saya jae

ye bhi mumkin hai bata de wo koi kam ki bat

ik nujumi ko chalo hath dikhaya jae

dekhna ye hai ke kaun ata hai saya ban kar

dhup mein baith ke logon ko bulaya jae

ya miri zist ke asar numayan kar de

ya bata de ke tujhe kaise bhulaya jae

us ke ehsan se inkar nahin hai lekin

naqsh pani pe zafar kaise banaya jae