صبح بے نور نہ ہو دھیان میں رکھ

صبح بے نور نہ ہو دھیان میں رکھ

ایک سورج کو گریبان میں رکھ

دن میں کچھ اور ہوں شب میں کچھ اور

لمحہ لمحہ مجھے پہچان میں رکھ

جل بجھا طاق سحر میں کب کا

اب مجھے شب کے بیابان میں رکھ

ہوئیں یخ بستہ سبھی پچھلی رتیں

یاد کی دھوپ کو دالان میں رکھ

بچ کے اس شور سماعت سے ذرا

اپنے کچھ راز مرے کان میں رکھ

میں کہاں اور کہاں بازار ہنر

درد ہوں میرؔ کے دیوان میں رکھ

ابھی ہو جائے گا فرق گل و سنگ

میں ہوں کیا شے مجھے میزان میں رکھ

subh be nur na ho dhyan mein rakh

ek suraj ko gareban mein rakh

din mein kuchh aur hun shab mein kuchh aur

lamha lamha mujhe pahchan mein rakh

jal bujha taq-e-sahar mein kab ka

ab mujhe shab ke bayaban mein rakh

huin yakh basta sabhi pichhli ruten

yad ki dhup ko dalan mein rakh

bach ke is shor-e-samaat se zara

apne kuchh raz mire kan mein rakh

main kahan aur kahan bazar-e-hunar

dard hun mir ke diwan mein rakh

abhi ho jaega farq-e-gul-o-sang

main hun kya shai mujhe mizan mein rakh