تعلقات مسلسل بھی تازیانے تھے

تعلقات مسلسل بھی تازیانے تھے

وہ دھاگے ٹوٹ گئے جو بہت پرانے تھے

ترے ملن سے ترا انتظار بہتر تھا

بنے نہ جسم جو سائے وہی سہانے تھے

سنائیں لفظوں کی سب سطح سنگ پر ٹوٹیں

تمہیں یہ وار تو پھولوں پہ آزمانے تھے

ہمارے بعد بھی رونق نہ آئی اس گھر پر

چراغ ایک ہوا کو کئی بجھانے تھے

بچا نہ کوئی مسافر بھی درمیان سفر

نہ جانے کون سے تیروں کے سب نشانے تھے

یہ بام و در پہ جو چمکی تھی دھوپ سی اے آہؔ

مری تلاش میں گزرے ہوئے زمانے تھے

taalluqat musalsal bhi taziyane the

wo dhage tut gae jo bahut purane the

tire milan se tira intizar behtar tha

bane na jism jo sae wahi suhane the

sunaen lafzon ki sab sath-e-sang par tuten

tumhen ye war to phulon pe azmane the

hamare baad bhi raunaq na ai is ghar par

charagh ek hawa ko kai bujhane the

bacha na koi musafir bhi darmiyan safar

na jane kaun se tiron ke sab nishane the

ye bam-o-dar pe jo chamki thi dhup si ai ah

miri talash mein guzre hue zamane the