یہاں مکینوں سے خالی مکان رہتے ہیں

یہاں مکینوں سے خالی مکان رہتے ہیں

محبتیں نہیں رہتیں گمان رہتے ہیں

خدا کرے کہ سنے تو زبان خاموشی

ترے پڑوس میں کچھ بے زبان رہتے ہیں

نہ کیجے تکیہ بزرگوں کی ڈھلتی چھاؤں پر

کہاں سروں پہ سدا سائبان رہتے ہیں

یہی جہاں ہے ہمارا جہان گمشدگی

یہی نشان کہ بس بے نشان رہتے ہیں

محبتیں جس افق سے طلوع ہوتی ہیں

وہیں پہ مل کے زمیں آسمان رہتے ہیں

ترے سلوک نے دھندلا دئے سب افسانے

ہم اپنے سے بھی بہت بد گمان رہتے ہیں

ہر ایک شخص کو مجبور آہؔ مت جانو

کہ شیشے بھی کہیں بن کر چٹان رہتے ہیں

yahan makinon se khali makan rahte hain

mohabbaten nahin rahten guman rahte hain

khuda kare ke sune to zaban-e-khamoshi

tire paros mein kuchh be zaban rahte hain

na kije takiya buzurgon ki dhalti chhaon par

kahan saron pe sada saiban rahte hain

yahi jahan hai hamara jahan gumshudagi

yahi nishan ke bas be nishan rahte hain

mohabbaten jis ufuq se tulu hoti hain

wahin pe mil ke zamin asman rahte hain

tire suluk ne dhundla diye sab afsane

ham apne se bhi bahut bad guman rahte hain

har ek shakhs ko majbur ah mat jano

ke shishe bhi kahin ban kar chatan rahte hain