اداسیوں کا مسلسل یہ دور چلنا ہے

اداسیوں کا مسلسل یہ دور چلنا ہے

نہ کوئی حادثہ ہونا نہ جی بہلنا ہے

وہ اور ہوں گے ملا جن کو روشنی کا سفر

ہمیں تو بجھتے چراغوں کے ساتھ چلنا ہے

یہ ڈھلتی عمر کے رستے بہت تھکا دیں گے

قدم قدم پہ نیا راستہ نکلنا ہے

وداع ہو گئی کہہ کر یہ خوشبوؤں کی صدا

گلاب جسموں کو اب پتھروں میں ڈھلنا ہے

کسی کا لہریں منائیں گی جشن غرقابی

پھر آج رات سمندر بہت اچھلنا ہے

مری شکست میں مضمر ہے تیری کوتاہی

تجھے بھی میری طرح کل کو ہاتھ ملنا ہے

udasiyon ka musalsal ye daur chalna hai

na koi hadisa hona na ji bahalna hai

wo aur honge mila jin ko raushni ka safar

hamen to bujhte charaghon ke sath chalna hai

ye dhalti umr ke raste bahut thaka denge

qadam qadam pe naya rasta nikalna hai

wida ho gai kah kar ye khushbuon ki sada

gulab jismon ko ab pattharon mein dhalna hai

kisi ka lahren manaengi jashn-e-gharqabi

phir aj rat samundar bahut uchhalna hai

miri shikast mein muzmar hai teri kotahi

tujhe bhi meri tarah kal ko hath milna hai