وہ تو ہے دشمن جاں داد وفا کیا دے گا

وہ تو ہے دشمن جاں داد وفا کیا دے گا

جو کبھی زہر نہ دے پایا دوا کیا دے گا

کل کہیں آج کہیں اپنا سفر نا معلوم

کوئی بے سمت ہواؤں کا پتا کیا دے گا

اس سے سر پھوڑ کے مر جاؤ تو کچھ بات بنے

زندگی یہ تمہیں پتھر کا خدا کیا دے گا

خود تمہیں جسم کی دیوار میں کھڑکی کھولو

ایک زندان ہے سانسوں کا ہوا کیا دے گا

زرد پتوں کی طرح گرتے ہیں پل پل آنسو

تیرا غم بھی مجھے اب سایہ گھنا کیا دے گا

زندگی نام ہوئی اس کے تو ڈرنا کیسا

آہؔ اب موت سے بڑھ کر وہ سزا کیا دے گا

wo to hai dushman-e-jan dad-e-wafa kya dega

jo kabhi zahr na de paya dawa kya dega

kal kahin aj kahin apna safar na maalum

koi be samt hawaon ka pata kya dega

us se sar phor ke mar jao to kuchh bat bane

zindagi ye tumhen patthar ka khuda kya dega

khud tumhen jism ki diwar mein khirki kholo

ek zindan hai sanson ka hua kya dega

zard patton ki tarah girte hain pal pal ansu

tera gham bhi mujhe ab saya ghana kya dega

zindagi nam hui us ke to darna kaisa

ah ab maut se barh kar wo saza kya dega