نظر میں سب کی مری بے خودی کا عالم ہے

نظر میں سب کی مری بے خودی کا عالم ہے

کسے خبر کہ بڑی بے بسی کا عالم ہے

عجیب شے ہے یہ نیرنگئ زمانہ بھی

کسی کا کوئی نہیں ہے کسی کا عالم ہے

میں اب حقیقت دنیا سمجھ گیا شاید

خود اپنے آپ سے بیگانگی کا عالم ہے

ہر ایک دیکھ رہا ہے مرے تبسم کو

کسے خبر جو مری زندگی کا عالم ہے

مجھے عزیز ہے اب یوں رئیسؔ ناکامی

سنا ہے غم سے گزر کر خوشی کا عالم ہے

nazar mein sab ki miri be khudi ka alam hai

kise khabar ke bari be basi ka alam hai

ajib shai hai ye nairangi-e-zamana bhi

kisi ka koi nahin hai kisi ka alam hai

main ab haqiqat duniya samajh gaya shayad

khud apne ap se beganagi ka alam hai

har ek dekh raha hai mire tabassum ko

kise khabar jo miri zindagi ka alam hai

mujhe aziz hai ab yun rais nakami

suna hai gham se guzar kar khushi ka alam hai