جیسے کوئی ربط نہیں ہو جیسے ہوں انجانے لوگ

جیسے کوئی ربط نہیں ہو جیسے ہوں انجانے لوگ

کیا سے کیا ہو جاتے ہیں اکثر جانے پہچانے لوگ

منہ سے بات نکلتے ہی سو گڑھ لیں گے افسانے لوگ

بیٹھے بیٹھے بن لیتے ہیں کیسے تانے بانے لوگ

دیر و حرم ہی سے دنیا کو ہوش کی راہیں ملتی ہیں

دیر و حرم کے نام پہ ہی بن جاتے ہیں دیوانے لوگ

کوئی انہیں بھی تو سمجھائے کوئی کچھ ان سے بھی کہے

جب دیکھو تب آ جاتے ہیں مجھ کو ہی سمجھانے لوگ

حضرت زاہد سمجھا دیں تو توبہ کر لوں میں بھی رئیسؔ

بادل کیوں چھا جاتے ہیں جب جاتے ہیں میخانے لوگ

jaise koi rabt nahin ho jaise hun anjane log

kya se kya ho jate hain aksar jane pahchane log

munh se bat nikalte hi so garh lenge afsane log

baithe baithe ban lete hain kaise tane bane log

dair-o-haram hi se duniya ko hosh ki rahen milti hain

dair-o-haram ke nam pe hi ban jate hain diwane log

koi unhen bhi to samjhae koi kuchh un se bhi kahe

jab dekho tab a jate hain mujh ko hi samjhane log

hazrat zahid samjha den to tauba kar lun main bhi rais

badal kyun chha jate hain jab jate hain maikhane log