اپنی آنکھیں ہیں اور تمہارے خواب

اپنی آنکھیں ہیں اور تمہارے خواب

کتنے پر کیف ہیں ہمارے خواب

ان کے حق میں بڑا سہارا ہیں

دیکھتے ہیں جو بے سہارے خواب

حاصل زندگی جنہیں کہئے

کچھ ہمارے ہیں کچھ تمہارے خواب

یوں ہی بنتے بگڑتے رہتے ہیں

گردش وقت کے سہارے خواب

ہاں نہ ٹوٹے طلسم خوش فہمی

یوں ہی دیکھو رئیسؔ پیارے خواب

apni ankhen hain aur tumhare khwab

kitne pur kaif hain hamare khwab

un ke haq mein bara sahara hain

dekhte hain jo be sahare khwab

hasil-e-zindagi jinhen kahiye

kuchh hamare hain kuchh tumhare khwab

yun hi bante bigarte rahte hain

gardish-e-waqt ke sahare khwab

han na tute tilism-e-khush fahmi

yun hi dekho rais pyare khwab