خود اپنی ذلت و خواری نہ کرنا

خود اپنی ذلت و خواری نہ کرنا

کسی کم ظرف سے یاری نہ کرنا

اگر تم شاد رہنا چاہتے ہو

کسی کی بھی دل آزاری نہ کرنا

اگر توفیق ہو سچ بولنے کی

تو اپنی بھی طرف داری نہ کرنا

تمہیں ہم جانتے پہچانتے ہیں

کبھی ہم سے اداکاری نہ کرنا

کسی کے ساتھ کر لینا عبادت

ہر اک کے ساتھ مے خواری نہ کرنا

نہ گر جانا رئیسؔ اپنی نظر سے

کبھی توہین خودداری نہ کرنا

khud apni zillat-o-khwari na karna

kisi kam zarf se yari na karna

agar tum shad rahna chahte ho

kisi ki bhi dil azari na karna

agar taufiq ho sach bolne ki

tu apni bhi taraf dari na karna

tumhen ham jante pahchante hain

kabhi ham se adakari na karna

kisi ke sath kar lena ibadat

har ik ke sath mai khwari na karna

na gar jana rais apni nazar se

kabhi tauhin khuddari na karna