طرح طرح کے سوالات کرتے رہتے ہیں

طرح طرح کے سوالات کرتے رہتے ہیں

اب اپنے آپ سے ہم بات کرتے رہتے ہیں

عطا ہوئی ہے ہمیں جب سے دولت احساس

غموں سے سب کے ملاقات کرتے رہتے ہیں

خوشی میں خوش ہوں میں جن کی انہیں یہ کیا معلوم

کہ خودکشی مرے جذبات کرتے رہتے ہیں

نصیحتیں نہ کریں اب تو کیا کریں کہ رئیسؔ

یوں ہی تلافئ مافات کرتے رہتے ہیں

tarah tarah ke sawalat karte rahte hain

ab apne ap se ham bat karte rahte hain

ata hui hai hamen jab se daulat-e-ehsas

ghamon se sab ke mulaqat karte rahte hain

khushi mein khush hun main jin ki unhen ye kya maalum

ke khudkushi mire jazbat karte rahte hain

nasihaten na karen ab to kya karen ke rais

yun hi talafi-e-mafat karte rahte hain