دل میں مرے ارمان بہت ہیں

دل میں مرے ارمان بہت ہیں

اس گھر میں مہمان بہت ہیں

آپ زمانے کو کیا جانیں

آپ ابھی نادان بہت ہیں

ایسے ہی ہنس کر دل رکھ لو

ویسے تو ارمان بہت ہیں

ہے تو ان کا نام لبوں پر

اتنے بھی اوسان بہت ہیں

غور کرو گے تو کانٹوں کے

گلشن پر احسان بہت ہیں

dil mein mire arman bahut hain

is ghar mein mehman bahut hain

ap zamane ko kya janen

ap abhi nadan bahut hain

aise hi hans kar dil rakh lo

waise to arman bahut hain

hai to un ka nam labon par

itne bhi ausan bahut hain

ghaur karoge to kanton ke

gulshan par ehsan bahut hain