راہ حیات میں دل ویراں دہائی دے
Saba Naqvi (b. 1940)راہ حیات میں دل ویراں دہائی دے
دشمن کو بھی خدا نہ غم آشنائی دے
میں صاحب قلم ہوں مجھے اے شعور فن
آئے نہ جو گرفت میں ایسی کلائی دے
دنیا فریب رشتۂ باہم نہ دے مجھے
جو بھائی چارگی کا ہو پیکر وہ بھائی دے
میں اپنا ہاتھ اپنے لہو میں ڈبو نہ لوں
جب تک وہ میرے ہاتھ میں دست حنائی دے
خنجر ہے جس کے ہاتھ میں پتھر ہے جس کا دل
کیا اس کے سامنے کوئی اپنی صفائی دے
جس پر مرے لہو نے سجایا تھا نقش دل
اے کاش پھر مجھے وہ ہتھیلی دکھائی دے
اس تازہ کربلا میں بھی یا رب دعا یہ ہے
ایثار کو نشیب وفا کو ترائی دے
دوری قرین مصلحت وقت ہے اگر
قربت کے نام پر مجھے داغ جدائی دے
صحن چمن میں گوش بر آواز ہے صباؔ
شاید دل شمیم کی دھڑکن سنائی دے
rah-e-hayat mein dil-e-wiran duhai de
dushman ko bhi khuda na gham-e-ashnai de
main sahab-e-qalam hun mujhe ai shuur-e-fan
ae na jo giraft mein aisi kalai de
duniya fareb-e-rishta-e-baham na de mujhe
jo bhai chargi ka ho paikar wo bhai de
main apna hath apne lahu mein dubo na lun
jab tak wo mere hath mein dast-e-hinai de
khanjar hai jis ke hath mein patthar hai jis ka dil
kya us ke samne koi apni safai de
jis par mire lahu ne sajaya tha naqsh-e-dil
ai kash phir mujhe wo hatheli dikhai de
is taza karbala mein bhi ya rab dua ye hai
isar ko nasheb-e-wafa ko tirai de
duri qarin-e-maslahat-e-waqt hai agar
qurbat ke nam par mujhe dagh-e-judai de
sehn-e-chaman mein gosh bar awaz hai saba
shayad dil-e-shamim ki dharkan sunai de