نغمہ زن ہے نظر بے آواز

نغمہ زن ہے نظر بے آواز

کیوں مرے دل اثر بے آواز

میرے دل سے انہیں اپنے دل کی

مل رہی ہے خبر بے آواز

لاکھ کرنوں کی زباں رکھتا ہے

ایک نور سحر بے آواز

ہوئی برباد پس بے ہنراں

سعیٔ عرض ہنر بے آواز

پئے ہنگامۂ ہستیٔ بشر

موت ہے چارہ گر بے آواز

ہے وہ بے پاؤں گزرنے کی دلیل

ارتقا کا سفر بے آواز

رنگ لایا ہے صدا بن کے صباؔ

میرا خون جگر بے آواز

naghma zan hai nazar be awaz

kyun mire dil asar be awaz

mere dil se unhen apne dil ki

mil rahi hai khabar be awaz

lakh kirnon ki zaban rakhta hai

ek nur-e-sahar be awaz

hui barbad pas be hunaran

sai-e-arz-e-hunar be awaz

piye hangama-e-hasti-e-bashar

maut hai chara gar be awaz

hai wo be paon guzarne ki dalil

irtiqa ka safar be awaz

rang laya hai sada ban ke saba

mera khun-e-jigar be awaz