نظر کے سرخ ڈورے دل میں اترے

نظر کے سرخ ڈورے دل میں اترے

مسافر دامن ساحل میں اترے

فضاؤں میں اڑانیں بھرنے والے

پتنگے گوشۂ محفل میں اترے

کھنکتے نقرئی سکوں کے طائر

طلائی کاسۂ سائل میں اترے

کئی خنجر نگاہ خشمگیں کے

بہ یک لمحہ دل بسمل میں اترے

کفن بر دوش تھے اہل محبت

بقا کی جاوداں منزل میں اترے

نہ بھولے عہد حاضر کے تقاضے

صباؔ کے ساتھ رحمت کے فرشتے

اچانک کوچۂ قاتل میں اترے

nazar ke surkh dore dil mein utre

musafir daman-e-sahil mein utre

fazaon mein uranen bharne wale

patange gosha-e-mahfil mein utre

khanakte nuqrai sukun ke tair

tilai kasa-e-sail mein utre

kai khanjar nigah-e-khashmgin ke

ba yak lamha dil-e-bismil mein utre

kafan bar dosh the ahl-e-mohabbat

baqa ki jawedan manzil mein utre

na bhule ahd-e-hazir ke taqaze

saba ke sath rahmat ke farishte

achanak kucha-e-qatil mein utre