پیر مے خانہ پہ مرتے ہیں مریدوں کی طرح

پیر مے خانہ پہ مرتے ہیں مریدوں کی طرح

جان دیتے ہیں محبت میں شہیدوں کی طرح

انہیں کلیوں کا لہو زیب بہاراں تو نہیں

مل گئیں خاک میں جو میری امیدوں کی طرح

ہم نے دیکھے ہیں کچھ ایسے بھی قرابت والے

پیش آتے ہیں جو اپنوں سے یزیدوں کی طرح

ہائے وہ کیف میں ڈوبی ہوئی بیتی گھڑیاں

یاد آتی ہیں جو گزری ہوئی عیدوں کی طرح

ان سے امید محبت کوئی کیا رکھے صباؔ

پھر گئے جو کسی بیمار کے دیدوں کی طرح

pir-e-mai khana pe marte hain muridon ki tarah

jan dete hain mohabbat mein shahidon ki tarah

unhen kaliyon ka lahu zeb baharan to nahin

mil gain khak mein jo meri ummidon ki tarah

ham ne dekhe hain kuchh aise bhi qarabat wale

pesh ate hain jo apnon se yazidon ki tarah

hae wo kaif mein dubi hui biti ghariyan

yad ati hain jo guzri hui eidon ki tarah

un se ummid-e-mohabbat koi kya rakhe saba

phir gae jo kisi bimar ke didon ki tarah