بے نام ساعتوں کا سفر ختم ہو چلا

بے نام ساعتوں کا سفر ختم ہو چلا

لو امتحان فکر و نظر ختم ہو چلا

واں تیرگیٔ محفل یاراں نہ مٹ سکی

یاں روغن چراغ ہنر ختم ہو چلا

احسان ہے مشیت پروردگار کا

ہنگامۂ حیات بشر ختم ہو چلا

میخانۂ حیات سے رندو نکل چلو

پیمانۂ دعا کا اثر ختم ہو چلا

اے جان انتظار نیا زخم دے مجھے

لطف بہار دیدۂ تر ختم ہو چلا

دکھلا کے آفتاب درخشاں کی اک جھلک

افسانۂ نمود سحر ختم ہو چلا

اس نے اک اور داغ جگر دے دیا صباؔ

جب اعتبار سوز جگر ختم ہو چلا

be nam saaton ka safar khatm ho chala

lo imtihan-e-fikr-o-nazar khatm ho chala

wan tirgi-e-mahfil-e-yaran na mit saki

yan roghan-e-charagh-e-hunar khatm ho chala

ehsan hai mashiyyat-e-parwardigar ka

hangama-e-hayat bashar khatm ho chala

maikhana-e-hayat se rindo nikal chalo

paimana-e-dua ka asar khatm ho chala

ai jan-e-intizar naya zakhm de mujhe

lutf-e-bahar-e-dida-e-tar khatm ho chala

dikhla ke aftab darakhshan ki ik jhalak

afsana-e-numud-e-sahar khatm ho chala

us ne ik aur dagh-e-jigar de diya saba

jab etibar soz-e-jigar khatm ho chala