بنا ہوا تھا کہیں آب دان کاغذ پر

بنا ہوا تھا کہیں آب دان کاغذ پر

تھی اتنی پیاس کہ رکھ دی زبان کاغذ پر

کرایے دار کی آنکھوں میں آ گئے آنسو

بنائے بیٹھے تھے بچے مکان کاغذ پر

تمہارے خط میں نظر آئی اتنی خاموشی

کہ مجھ کو رکھنے پڑے اپنے کان کاغذ پر

تمام عمر گزاری ہے دھوپ میں شاید

بنا رہا ہے کوئی سائبان کاغذ پر

اٹھا لیا ہے قلم اب تو میں نے بھی یاسرؔ

اتار ڈالوں گا ساری تھکان کاغذ پر

bana hua tha kahin ab dan kaghaz par

thi itni pyas ke rakh di zaban-e-kaghaz par

karaye dar ki ankhon mein a gae ansu

banae baithe the bachche makan kaghaz par

tumhare khat mein nazar ai itni khamoshi

ke mujh ko rakhne pare apne kan kaghaz par

tamam umr guzari hai dhup mein shayad

bana raha hai koi saiban kaghaz par

utha liya hai qalam ab to main ne bhi yasar

utar dalunga sari thakan kaghaz par