کون اب جائے ترے پاس شکایت لے کر

کون اب جائے ترے پاس شکایت لے کر

روز آتے ہیں ترے خواب محبت لے کر

اس قدر مجھ سے تکلف کی ضرورت کیا ہے

میں اگر تجھ کو چھوؤں گا تو اجازت لے کر

حسن بے پردہ ہوا اور توقع یہ ہے

عشق دیکھے اسے آنکھوں میں شرافت لے کر

دفتر عشق کا سرکاری ملازم ہوں میں

لوٹ جاؤں گا تری دید کی رشوت لے کر

اپنا چہرہ تھا کبھی جن کی تمنا یاسرؔ

اب وہ کہتے ہیں نکل جاؤ یہ صورت لے کر

kaun ab jae tire pas shikayat le kar

roz ate hain tire khwab-e-mohabbat le kar

is qadar mujh se takalluf ki zarurat kya hai

main agar tujh ko chhuunga to ijazat le kar

husn-e-be parda hua aur tawaqqo ye hai

ishq dekhe use ankhon mein sharafat le kar

daftar-e-ishq ka sarkari mulazim hun main

laut jaunga tiri did ki rishwat le kar

apna chehra tha kabhi jin ki tamanna yasar

ab wo kahte hain nikal jao ye surat le kar