بڑے سلیقے سے اب ہم کو جھوٹ بولنا ہے

بڑے سلیقے سے اب ہم کو جھوٹ بولنا ہے

مرے نہ کوئی فقط اتنا زہر گھولنا ہے

رکھی ہوئی ہے تری یاد دل کے پلڑے میں

اب اس ترازو میں اک عشق اور تولنا ہے

میں اس لئے بھی زمانے میں سب کو پیارا ہوں

مجھے پتا ہے کہاں کتنا جھوٹ بولنا ہے

ہمارے دیش میں انصاف کی جو دیوی ہے

اب آستھا سے اسے زندگی کو تولنا ہے

ہوا لئے ہوئے پھرتی ہے قینچیاں یاسرؔ

بڑے حساب سے اپنے پروں کو کھولنا ہے

bare saliqe se ab ham ko jhut bolna hai

mire na koi faqat itna zahr gholna hai

rakhi hui hai tiri yad dil ke palre mein

ab is tarazu mein ik ishq aur tolna hai

main is liye bhi zamane mein sab ko pyara hun

mujhe pata hai kahan kitna jhut bolna hai

hamare desh mein insaf ki jo dewi hai

ab astha se use zindagi ko tolna hai

hawa liye hue phirti hai qainchiyan yasar

bare hisab se apne paron ko kholna hai