تمہارے کام اگر آئے مسکرانے میں

تمہارے کام اگر آئے مسکرانے میں

تو کوئی حرج نہیں میرے ٹوٹ جانے میں

فروخت ہو گئی ہر شے جو دل مکان میں تھی

میں اتنا خرچ ہوا ہوں اسے کمانے میں

میں اپنی جان سے جاؤں گا ہے یہ سچ لیکن

اسے بھی زخم تو آئیں گے آزمانے میں

وہ ایک لفظ محبت نہ بن سکا مجھ سے

ہزار بار مٹا ہوں جسے بنانے میں

تمہیں تو صرف خبر ہے چراغ جلنے کی

ہمارے ہاتھ جلے ہیں اسے جلانے میں

تمہارے وصل کی مستی تھی اور مے خانہ

شراب لے کے گیا تھا شراب خانے میں

عمارتوں میں محبت کا دیوتا ہے وہ

ہمارے ہاتھ کٹے ہیں جسے بنانے میں

tumhare kam agar ae muskurane mein

to koi haraj nahin mere tut jane mein

farokht ho gai har shai jo dil makan mein thi

main itna kharch hua hun use kamane mein

main apni jan se jaunga hai ye sach lekin

use bhi zakhm to aenge azmane mein

wo ek lafz-e-mohabbat na ban saka mujh se

hazar bar mita hun jise banane mein

tumhen to sirf khabar hai charagh jalne ki

hamare hath jale hain use jalane mein

tumhare wasl ki masti thi aur mai khana

sharab le ke gaya tha sharab khane mein

imaraton mein mohabbat ka dewta hai wo

hamare hath kate hain jise banane mein