عشق سے جام سے برسات سے ڈر لگتا ہے

عشق سے جام سے برسات سے ڈر لگتا ہے

یار تم کیا ہو کہ ہر بات سے ڈر لگتا ہے

عشق ہے عشق کوئی کھیل نہیں بچوں کا

وہ چلا جائے جسے مات سے ڈر لگتا ہے

میں ترے حسن کا شیدائی نہیں ہو سکتا

روز بٹتی ہوئی خیرات سے ڈر لگتا ہے

ہم نے حالات بدلنے کی دعا مانگی تھی

اب بدلتے ہوئے حالات سے ڈر لگتا ہے

دل تو کرتا ہے کہ بارش میں نہائیں یاسرؔ

گھر جو کچا ہو تو برسات سے ڈر لگتا ہے

ishq se jam se barsat se dar lagta hai

yar tum kya ho ke har bat se dar lagta hai

ishq hai ishq koi khel nahin bachchon ka

wo chala jae jise mat se dar lagta hai

main tire husn ka shaidai nahin ho sakta

roz batti hui khairat se dar lagta hai

ham ne halat badalne ki dua mangi thi

ab badalte hue halat se dar lagta hai

dil to karta hai ke barish mein nahaen yasar

ghar jo kachcha ho to barsat se dar lagta hai