ہوں آنکھیں ایک خواب پہ قربان کرکے خوش

ہوں آنکھیں ایک خواب پہ قربان کرکے خوش

اور جسم نذر آتش وجدان کرکے خوش

یہ تم بھی جانتے ہو کہ ہارا نہیں ہوں میں

ہو جاؤ اپنی جیت کا اعلان کرکے خوش

میں اس کو بھولنے کے ارادے سے ہوں دکھی

ہوتا ہے کون جنگ کا اعلان کرکے خوش

سب لطف لے رہے ہیں اداسی کا شہر میں

ہیں لوگ اپنے سوگ کا سامان کرکے خوش

کرتے ہیں لوگ جنگ یہاں عشق کے لیے

ہم لوگ عشق جنگ کے دوران کرکے خوش

hun ankhen ek khwab pe qurban karke khush

aur jism nazr-e-atish-e-wijdan karke khush

ye tum bhi jante ho ke hara nahin hun main

ho jao apni jit ka elan karke khush

main us ko bhulne ke irade se hun dukhi

hota hai kaun jang ka elan karke khush

sab lutf le rahe hain udasi ka shahr mein

hain log apne sog ka saman karke khush

karte hain log jang yahan ishq ke liye

ham log ishq jang ke dauran karke khush