اسے اجالے کا خطرہ ستاتا رہتا ہے

اسے اجالے کا خطرہ ستاتا رہتا ہے

پکڑ پکڑ کے وہ جگنو بجھاتا رہتا ہے

دعائیں دیتا ہے کوئی نہ بھیک مانگے یہاں

مگر وہ چاک پہ کاسے بناتا رہتا ہے

ہوا پہ زور تو چلتا نہیں ہے جگنو کا

مگر چراغ کی ہمت بڑھاتا رہتا ہے

وہ شخص جس کو ابھی تیرنا نہیں آتا

وہ ڈوبنے کے فوائد گناتا رہتا ہے

خموشیوں سے بڑا ربط تھا جسے یاسرؔ

وہ کینواس پے چیخیں بناتا رہتا ہے

use ujale ka khatra satata rahta hai

pakar pakar ke wo jugnu bujhata rahta hai

duaen deta hai koi na bhik mange yahan

magar wo chak pe kase banata rahta hai

hawa pe zor to chalta nahin hai jugnu ka

magar charagh ki himmat barhata rahta hai

wo shakhs jis ko abhi tairna nahin ata

wo dubne ke fawaid ginata rahta hai

khamoshiyon se bara rabt tha jise yasar

wo kinawas pe chikhen banata rahta hai